雪櫃維修常見問題

上門嘅都係維修兵團自己嘅師傅，唔係外判。上門前一日，師傅會用 WhatsApp 通知你上門時段；當日臨到之前會再確認一次。

師傅做每張單都會影相拍片，完成後公司會再審核。對上門嘅人有懷疑，喺 WhatsApp 問我哋就得。

有啲係，但唔只香港代理。常用零件我哋長期由海外直接採購，其他零件就喺香港代理買；兩邊都係全新原廠零件。

香港代理有時好快停售某啲型號嘅零件。多一條海外渠道，舊型號都較有機會搵到零件。

會。你畀嘅稱呼、電話、地址同部機資料，只會用嚟報價、安排上門同跟進維修，唔會交畀第三方。

我哋會保留你部機嘅維修紀錄，下次再搵我哋，唔使由頭講起。

直接喺之前同我哋傾開嘅 WhatsApp 講就得，唔使重新落單。我哋會睇返上次整咗咩、幾時整，計返係咪仲喺保用期內。

講低而家見到嘅情況，最好附相或者短片，例如有冇故障碼、邊度漏水。保用期內同一個問題，免費上門檢查；師傅確認同上次維修有關，就免費整返好。

換咗電話號碼，講低舊號碼或者影低上次收據就得。邊啲情況唔包，見保用唔包嘅情況。

大部分雪櫃維修，由檢查、維修到試機，一個鐘左右做完，視乎故障同型號。

如果要你預先斷電溶雪，報價或者預約時會講明。到時要早啲執好櫃入面嘅食物；師傅到嗰陣仲未溶晒雪，就未必做得到。

整好之後雪櫃要幾個鐘先凍返，見整好後幾耐回復正常溫度。

雪櫃有換零件嘅維修保用三個月，由維修完成嗰日計，以報價同收據所列為準。保用期內同一個問題，免費上門檢查；確認同上次維修有關，就免費整返好。

整完頭 12 至 24 個鐘，櫃內溫度未穩定，盡量少開門。詳情見整好後幾耐回復正常溫度。

一般一位師傅上門。如果部機要搬動、托起，或者位置特別，要兩個人先做得安全，我哋會預先安排。

由 1988 年嘅中華電器維修中心開始，到今日已經三十幾年，成功維修超過十二萬部機。2015 年改名做 Fixes 香港維修，維修兵團係我哋嘅上門維修服務。

2016 年開始用自己嘅系統；2020 年喺東京成立 Fixes Japan，開發企業 AI，公司所有系統都由佢提供；2023 年有自己嘅 AI；2026 年起由 AI 主導營運。

想落單時，喺同一個 WhatsApp 對話覆一句就得。之前嘅報價、部機資料同對話都有紀錄，唔使由頭講起。

如果隔咗一段時間，部機情況可能有變；講低而家嘅情況，有需要我哋會更新報價。之後畀我哋完整地址，就可以睇最早上門嘅日子。

星期六照常上門；星期日同公眾假期唔安排上門。

報價就唔受假期限制：WhatsApp 嘅 AI 客服 Emma 同網站嘅 AI 維修小助手 Fixes Baby 隨時都可以收你部機嘅型號同故障，順利嘅話幾分鐘有報價。

你唔喺屋企都得，有家人或者工人姐姐開門就可以；師傅檢查完會先聯絡你，你同意先維修。

師傅星期一至六日間上門，最遲下晝五點到。下晝 5 點後屬晚間時段，要為你特別預留師傅同調配路線，所以會加收 $200 晚間服務費。約好嘅時間請確保有人喺屋企，例如約 5 點，5 點就要有人，唔好遲到。報價時會講明，你同意先安排。

想避開晚間服務費，可以揀一日早啲有人喺屋企，或者請家人代你開門。

可以。WhatsApp 上面嘅 AI 客服 Emma 會問你部機嘅牌子、型號同故障，你可以直接影相或者拍片；順利嘅話幾分鐘就有報價連結。

報價會列出師傅上門後可能遇到嘅幾個情況同各自費用；實際係邊個情況，要師傅檢查先確認，你同意先維修。

想同真人傾都得：資料齊咗或者辦公時間內，真人同事會接手。

保用期內同一個問題再出現，我哋會先免費上門檢查。如果要換另一件零件，或者再上門都整唔好，師傅確認實際情況之後，公司會按個案同你商量點處理。保用期內最好留住換落嚟嘅舊零件。

有時可以，要睇你嘅地址、要用嘅零件同當日師傅路線。WhatsApp 畀我哋完整地址，我哋會即刻睇最早可以上門嘅日子。

想快啲，先攞報價、確認想整，再畀地址；資料齊，安排就快。

我哋約嘅係日子，未能約實某個鐘數。每張單維修時間唔同，加上交通，師傅到達時間會有前後。

上門前一日，師傅會用 WhatsApp 通知你大概時段；當日臨到前會再確認。你當日有時間限制，預約時講低，我哋會盡量安排，但未必一定做到。

好難保證。上門時段係師傅預計到達嘅時間，唔係維修要用嘅時間；前一張單整得快定慢、交通情況，都會令師傅早啲或者遲啲到。

師傅上門前一日會用 WhatsApp 通知時段，臨到前會再通知你。你只得某段時間喺屋企，預約時講低，我哋會盡量配合；亦可以請家人代你開門。

唔需要。報價、預約、改期同問問題，都喺同一個 WhatsApp 對話處理，所有紀錄都喺度，答你嘅人睇得到成張單嘅進度。

上門前，師傅會用 WhatsApp 通知你時段；檢查完亦會聯絡你講結果。有咩要求，喺 WhatsApp 講低，我哋會寫入工單，師傅上門前就睇到。

有冇優惠，以你收到嘅報價為準；有適用嘅優惠，會直接寫喺報價入面。

你之前嘅維修紀錄我哋會保留，再搵我哋唔使由頭講。部機仲喺保用期內，同一個問題免費上門檢查，另一個問題亦有保用期內優惠價。

一般唔會。只有以下情況有附加費：

• 唐樓冇𨋢，要行樓梯上唐三樓或以上；
• 落車後要行好長嘅斜路、樓梯或者山路；
• 大廈部𨋢當日壞咗，師傅要抬工具行樓梯。你肯幫手搬上同搬落，可以免收。

預約時講低樓層、有冇𨋢同點樣去，知道嘅附加費報價時會先講明；𨋢臨時壞咗，亦會先同你講清楚先收。

村屋大多唔使。唐樓冇𨋢就有附加費：三至五樓 +$100，六至八樓 +$200，九樓或以上 +$300。

唐樓樓層按實際要行嘅層數計：地下當唐一樓，一樓當唐二樓，如此類推。村屋只有落車後要行好長嘅斜路或者樓梯，先可能有附加費。

預約時講低地址、樓層同有冇𨋢，報價會寫明實際金額。

冷藏格保持 4°C 或以下（一般 1°C 至 4°C），冰格保持 -18°C 或以下。

• 冷藏格太暖，細菌生長會快啲，食物容易變壞。
• 冰格高過 -18°C，雪糕會變軟，急凍食物放唔到咁耐。
• 蔬果格一般比冷藏格暖少少、濕啲。

雪櫃冇壞嘅話，調到最高或者最低一格，都唔會明顯唔凍或者太凍。食物溶咗、成部唔凍或者結晒冰，多數係故障，可以先睇雪櫃維修收費。

唔係。我哋係獨立維修公司，唔係任何品牌嘅原廠代理或者保養代理，所以唔限牌子，大部分牌子嘅洗衣機同雪櫃都整。

同原廠代理嘅關係只係買零件。部機仲喺原廠保養期內，搵返原廠代理係合理選擇；過咗保養，或者急住用，可以搵我哋報價。

以下情況，保用會失效或者唔包：

• 已經過咗收據寫明嘅保用期；
• 保用期內，部機俾其他師傅檢查、拆過或者改裝過；
• 用錯方法、疏忽或者人為損壞；
• 機門、門框、門膠邊、門把手、門鉸、門勾呢類零件再爛（保用只包安裝問題）；
• 意外損壞，例如淋雨、水浸、蟑螂老鼠入機，或者寵物咬斷電線；
• 同上次維修無關嘅另一個故障。

唔肯定屬唔屬保用，WhatsApp 講低情況同附相，我哋會先幫你睇。

一般要 8 至 12 個鐘，有啲型號要成 24 個鐘先完全凍返。

呢段時間盡量少開雪櫃門，容易變壞嘅食物可以先放去其他地方。過咗 24 個鐘仍然唔凍，喺 WhatsApp 話我哋知。

工場喺葵涌葵昌路 50 號葵昌中心 1311 室。

所有維修都係上門即場做，唔使搬部機去工場；服務範圍係港九新界同東涌；大嶼山其他地方同離島暫時唔上門。想親身過嚟，請先喺 WhatsApp 約時間。

因為上門費按牌子、型號同故障而定。唔同故障，檢查要拆嘅位置同要用嘅時間都唔同，所以每次可以唔一樣。

成功維修就唔收上門費；只有整唔到或者你決定唔整，先會收。每次嘅金額都寫喺報價入面。