揀洗衣機上門維修，要問清楚啲咩？

約師傅之前，可以問清楚：上門前有冇報價、報價列唔列明每一項、唔整收幾多、用咩零件、舊零件交唔交返你、保用期幾耐同包啲咩。

點樣搵維修兵團整洗衣機？

可以喺網站同 AI 維修小助手 Fixes Baby 傾，或者喺 WhatsApp 同 AI Emma 傾，亦可以打電話由 AI Albert 接聽。講低型號同情況，如果順利，幾分鐘有報價。

洗衣機上門維修

揀洗衣機師傅，問清楚呢十樣

搵邊個整都得，約之前問清楚下面十樣，你就知道上門會發生咩事、要俾幾多錢。右邊係維修兵團嘅做法，拎去同其他師傅比較都得。

睇啱報價先落單報價、落單、收據，都喺同一條連結。

要問嘅嘢	點解要問	維修兵團點做
上門前有冇報價	唔知價錢就約師傅，上到門先講，好難拒絕。	先報價，後約師傅。講低型號同情況，如果順利，幾分鐘有報價。
報價列唔列明每一項	得一個總數，唔知包咗咩。	逐項列出可能要做嘅維修同價錢；最後做邊項由師傅檢查決定，唔係幾項加埋。
唔整收幾多	檢查完唔想整，要知道要俾幾多。	唔維修，只收報價列明嘅上門費；成功維修就唔另收。
換咗都唔得點計	換咗零件部機都唔好，錢係咪照收。	零件費成功維修先收；換完即場試機，唔得師傅會繼續排查。
用咩零件	原廠、副廠、二手，耐用程度唔同。	全新原廠零件；唔用二手或者翻新零件。原廠冇貨，會同你講清楚要等幾耐。
舊零件去咗邊	舊零件喺你手，你先睇得到換咗咩。	換落嚟嘅舊零件交返你，師傅唔會帶走。
有冇記錄	有記錄，日後有問題講得清。	每單影相拍片，經 AI 同師傅營運團隊審核；收據連結一直留低。
保用幾耐、包啲咩	冇寫低嘅保用，到時好難講。	寫喺報價同收據：成功維修保用三個月；清理排水系統、入水系統或者內膽異物係一個月。期內同一問題免費上門檢查，同一故障免費再整。
邊個上門	識唔識部機、會唔會外判。	自己培訓嘅兵團師傅，唔外判；喺你屋企現場整，唔搬返廠。
有冇啲嘢唔做	一早知道，唔使白等。	洗衣機啤鈴（軸承），同要搬返廠嘅維修，我哋唔做；個別型號唔做嘅項目，報價時講明。