維修兵團好唔好？三樣嘢你自己睇得到

同網站嘅 Fixes Baby、WhatsApp 嘅 Emma 或者電話嘅 Albert 講低部機咩事、影張型號貼紙，如果順利，幾分鐘有報價。

報價逐項列出可能要做嘅維修同價錢，你睇清楚先決定約唔約師傅。

報價係按你講嘅情況預先判斷，實際係邊度壞，要師傅睇過部機先確定；最後做邊一項就收邊一項，唔係幾項加埋。

如果現場發現要做報價以外嘅嘢，師傅會先講明原因同價錢，你同意先做。檢查完唔整，只收報價列明嘅上門費。

Fixes Baby 報價時會翻返同型號以前做過嘅維修紀錄，我哋由 2016 年起成功維修超過 12 萬部機。

不過 AI 同師傅一樣，未睇到部機都唔會講死：佢會話你知邊樣可能性大啲，最後由師傅上門確認。

唔使識術語，講你見到咩就得，例如「唔脫水」「門開唔到」。型號喺機身貼紙上面，係英文字母加數字；搵唔到，Fixes Baby 會發圖教你喺邊度搵。

型號暫時未清楚，都可以先按現有資料報價。

師傅每單都要影相拍片，之後 AI 同師傅營運團隊逐單審核，確認換嘅零件真係要換。

換落嚟嘅舊零件交返你，師傅唔會帶走，你可以親眼睇。

零件費係成功維修先收。師傅換完即場試機，部機正常先收費；試機唔得，師傅會繼續排查，唔會因為換咗件零件就照收。

大部分係全新原廠零件。少數型號原廠零件已經冇貨，先會用副廠代用件或者二手拆機件；呢啲報價會寫明，你同意先換。

保用期寫喺報價同收據，一般三個月。期內同一個問題再出現，我哋免費上門檢查；同一零件、同一故障，免費再整好。

保用期內同一個問題整唔好，師傅上門確認之後，公司會按個案處理。

上門嘅係我哋自己培訓嘅兵團師傅，唔外判。師傅喺你屋企現場整，唔會搬部機返廠。

上門前會按型號帶零件；不過同一型號有時有唔同版本，現場對唔啱就要訂件再約。

冇標準答案，我哋將事實講清楚，由你決定。買新機要計機價、舊機棄置、量尺寸、搬運安裝同等送貨；維修就睇零件、師傅同保用。

仲喺保養期嘅話，搵返原廠代理係合理選擇。我哋唔係原廠代理，維修係收費嘅。

有。雪櫃漏雪種（冷媒）、壓縮機、毛細管，洗衣機啤鈴（軸承），同要搬返廠嘅維修，我哋都唔做。個別型號仲有啲項目唔做，報價時會講明。

避震器要成套換，唔會淨換一支。