推薦主要聯絡途徑
同 Fixes Baby 傾
- 1講低部機咩事Fixes Baby 問清楚，仲會畀連結卡片你睇多啲資料
- 2報價準備好如果順利，幾分鐘就有
- 3撳一個掣報價即刻發去你嘅 WhatsApp
- 4客服跟進喺 WhatsApp 幫你落單、安排上門
撳呢度就開始唔使等人聽電話，對話留低，隨時返嚟接住傾。
洗衣機常見問題
洗衣機不入水
部機有燈著，按咗開始卻一直冇入水聲，洗衣程序亦行唔落去。可能係供水未到、機門未能鎖定，或者入水相關零件出問題；有燈著唔代表已經正常啟動。
近似字眼 洗衣機入唔到水、洗衣機無法進水、洗衣機入水慢
可以揀多個情況，揀咗會記低
報價維修
由「不入水」問起撳落去唔使再講一次，Fixes Baby 會由呢度開始問你。
洗衣機「不入水」，通常係邊啲零件
按我哋嘅維修經驗估計，「不入水」最常係以下零件出事；百分比係約數，唔代表你部機一定要換。撳入去睇零件喺邊、壞咗會點。
- 入水掣約 50%入水掣線圈或膠皮壞咗，水就入唔到或入得慢。
- 門鎖掣約 25%門鎖掣鎖唔實機門，部機就唔會開始入水。
- 電子板約 13%電子板送唔到控制電力，入水掣就開唔到。
- 摩打碳刷約 7%部分碳刷機碳刷用盡，部機會停止啟動入水。
- 門勾約 5%門勾斷裂或移位，鎖唔到門就開始唔到入水。
最常用嘅零件編號
屬於邊個系統
「不入水」有時都同呢啲系統有關：
驅動系統：啤鈴、斷軸芯同波箱 Fixes 唔做。
Fixes Baby 話你知：洗衣機「不入水」
Fixes Baby 話你知
撳開始之後，留意有冇聽到排水泵一路響但冇水入，有嘅話問題可能喺排水或者水位，唔係入水。亦可以試下扭去淨脫水：轉得郁即係摩打冇事，問題喺水路；唔轉就有機會係摩打碳刷用完。
洗衣機「不入水」，報價之前自己可以試
做之前記得熄機、拔插頭。試完都唔得，就撳「報價維修」。
- 先睇屋企供水
試下屋企其他冷水龍頭有冇水，再睇洗衣機專用水掣有冇關上。只檢查容易接觸到嘅位置；水掣卡住就唔好硬扭，亦唔使拆入水喉。
- 核對開始同燈號
按說明書確認揀咗洗衣程序，唔係預約開始或者暫停狀態。留意按開始後嘅反應；有閃燈或故障碼就影低，唔好只記「有燈著」。
- 確認機門關妥
啟動前睇下有冇衣物夾住門邊，再正常關好機門或上蓋。啟動後只留意鎖門聲或指示燈；唔肯定有冇鎖上就照實講，唔好拉門測試。
洗衣機「不入水」，最常做嘅維修
一個問題，通常只需要做其中一項。價錢係由幾多錢起；唔同牌子、型號會有出入，最終以師傅上門檢查為準。撳入去睇每項工序嘅細節。
前置式、上置式洗衣機7 項
日式洗衣機8 項
成功維修就唔收上門費；維修唔到，或者聽完報價決定唔整，就收上門費。
常見有「不入水」嘅型號
呢啲型號嘅維修紀錄入面，「不入水」排得好前；唔代表佢哋特別易壞。
有關洗衣機「不入水」嘅常見疑問
完全冇水入，係咪入水掣壞咗？
唔一定，供水、入水掣或者控制方面嘅問題，都可能有相似表現。部分機款喺入水前會先排水，呢個步驟出問題亦可能令洗衣程序停低。
有少少水入，之後停咗又係咩事？
有少少水入，唔代表入水功能一定正常。入水太慢或者程序中途停止，都可能有呢種表現，要分清係一路慢慢入，定入咗少少就完全停低。
如果係水龍頭壞，你哋會換埋嗎？
維修兵團唔提供水龍頭本體安裝或更換，呢部分要搵水喉師傅處理。我哋處理洗衣機入水喉接駁至現有水龍頭嘅相關工作，唔等於會更換水龍頭。
再具體啲：你部洗衣機係咪咁？
如果唔係「不入水」，會唔會係呢啲？
維修兵團知多啲
七條問題，一分鐘睇完
代理幾多個牌子？係客服定師傅報價？會唔會外判師傅？可唔可以今日上門？（記得開中文字幕）
再睇
我哋點做
- 唔用翻新零件換上去嘅唔係翻新貨，亦唔係拆機件。
- 舊零件交返你換落嚟嗰件交返你手，你親眼睇到。
- 自己培訓師傅唔外判，上門嘅係我哋自己跟開嘅師傅。
資料更新：
洗衣機「不入水」，
而家就問。
上門維修同零件銷售只限香港