推薦主要聯絡途徑
同 Fixes Baby 傾
- 1講低部機咩事Fixes Baby 問清楚，仲會畀連結卡片你睇多啲資料
- 2報價準備好如果順利，幾分鐘就有
- 3撳一個掣報價即刻發去你嘅 WhatsApp
- 4客服跟進喺 WhatsApp 幫你落單、安排上門
撳呢度就開始唔使等人聽電話，對話留低，隨時返嚟接住傾。
洗衣機常見問題
洗衣機去唔到水
洗衣程序停咗，機內仲有明顯積水，或者水排得好慢，可能係排水受阻或排水機件出問題。單係衫濕未必代表去唔到水，要分清機內有冇積水。
近似字眼 洗衣機排唔到水、洗衣機不能排水、洗衣機無法排水
可以揀多個情況，揀咗會記低
報價維修
由「去唔到水」問起撳落去唔使再講一次，Fixes Baby 會由呢度開始問你。
水由外缸經缸底喉、過濾器去排水泵；過濾器塞咗或者排水泵唔夠力，水就排唔走。
排水系統嘅零件（亮色係最常令洗衣機「去唔到水」嘅）
洗衣機「去唔到水」，通常係邊啲零件
按我哋嘅維修經驗估計，「去唔到水」最常係以下零件出事；百分比係約數，唔代表你部機一定要換。撳入去睇零件喺邊、壞咗會點。
- 排水泵約 42%排水泵老化或卡住，機內積水就抽唔走。
- 過濾器約 18%過濾器畀異物塞住，積水就排得慢或排唔走。
- 機內喉管約 13%機內喉管畀異物塞住，缸內積水就流唔出去。
- 索掣約 12%索掣拉唔開排水通道，日式機就去唔到水。
- 電子板約 7%電子板供電異常，排水泵或索掣就開唔到。
- 排水喉約 6%排水喉淤塞，積水就算經過排水泵都排唔走。
- 索掣膠塞約 2%索掣膠塞老化拉唔開，積水就會困喺缸內。
最常用嘅零件編號
屬於邊個系統
「去唔到水」有時都同呢啲系統有關：
Fixes Baby 話你知：洗衣機「去唔到水」
Fixes Baby 話你知
排水程序試一次唔得，就唔好再重複開，有啲機排唔到會再入水，越試水越多。開過濾器之前墊定毛巾，慢慢扭、控制住水流；如果扭唔開，唔好硬扭，多數係硬幣、髮夾卡住螺紋。
洗衣機「去唔到水」，報價之前自己可以試
做之前記得熄機、拔插頭。試完都唔得，就撳「報價維修」。
- 睇水位同燈號
有玻璃門嘅機款，可以隔住玻璃睇水位，並拍低面板燈號或故障碼。睇唔清就記低「未能確認」，唔好強行開門查看。
- 目視外露排水喉
停用後，睇下外露排水喉有冇明顯摺住或被雜物壓住。只移開容易安全拿走嘅雜物，唔好拉機、拔喉或改動喉口高度。
- 停低唔好反覆試
已經試過排水仍然有積水，就先停用，唔好不停重開程序。部分機款可能再補水；亦唔好直接扭開過濾器放水，以免積水湧出。
洗衣機「去唔到水」，最常做嘅維修
一個問題，通常只需要做其中一項。價錢係由幾多錢起；唔同牌子、型號會有出入，最終以師傅上門檢查為準。撳入去睇每項工序嘅細節。
前置式、上置式洗衣機4 項
日式洗衣機5 項
成功維修就唔收上門費；維修唔到，或者聽完報價決定唔整，就收上門費。
常見有「去唔到水」嘅型號
呢啲型號嘅維修紀錄入面，「去唔到水」排得好前；唔代表佢哋特別易壞。
有關洗衣機「去唔到水」嘅常見疑問
去唔到水一定係排水泵壞？
唔一定，異物堵塞、排水喉受阻或其他機件問題都可能令水排唔走。唔同機款嘅排水設計亦有分別，要檢查後先知道係清理定維修。
聽到排水聲，點解仲有水？
聽到聲唔代表水一定排得走，排水泵可能卡住，或者水路有堵塞。單靠聲音判斷唔到機件好壞，仍要檢查實際排水情況。
衫困住兼開唔到門，門鎖都壞咗？
未必，部分機款喺機內有水時會保持上鎖，排水後先解鎖。唔好硬拉門柄或自行拉緊急開門裝置，要先安全處理積水，再判斷門鎖有冇問題。
再具體啲：你部洗衣機係咪咁？
如果唔係「去唔到水」，會唔會係呢啲？
維修兵團知多啲
七條問題，一分鐘睇完
代理幾多個牌子？係客服定師傅報價？會唔會外判師傅？可唔可以今日上門？（記得開中文字幕）
再睇
我哋點做
- 唔用翻新零件換上去嘅唔係翻新貨，亦唔係拆機件。
- 舊零件交返你換落嚟嗰件交返你手，你親眼睇到。
- 自己培訓師傅唔外判，上門嘅係我哋自己跟開嘅師傅。
資料更新：
洗衣機「去唔到水」，
而家就問。
上門維修同零件銷售只限香港